Extraco, S.A. fixo entrega esta semana da obra de reforma das aulas da Escola Naval Militar de Marín, que acollerán o novo centro de investigación e que executou durante os últimos meses.

Ao acto de recepción asistiu o coronel do corpo de enxeñeiros, David Jañez, da Subdirección General de Proyectos y Obras do Ministerio de Defensa, quen oficializou a cesión das novas instalacións ao comandante director da Escola Naval, José María Núñez Torrente.

As obras consistiron na remodelación e ampliación dun dos edificios que xa existía no centro. Son 600 metros cadrados distribuídos en sete laboratorios de investigación: radar, mecánica, medidas, fluídos, química, simulación, etc.

Coa posta en marcha destas instalacións, a Escola amplía a súa oferta de formación e o grao universitario de Enxeñería Mecánica que imparte (adscrito á  Universidade de Vigo).