O Administrador de Infraestruturas Ferroviarias (Adif) encargou a Extraco as obras de reparación nun túnel, dous viadutos e un paso inferior na liña férrea entre Sitges e Garraf, na provincia de Barcelona.

A actuación está destinada a substituír elementos deteriorados, reparar danos e incidir sobre a orixe dos problemas que sofre este tramo de vía, evitando que se reproduzan no futuro.

O obxectivo do proxecto é preservar a durabilidade da infraestrutura e previr os efectos da corrosión mariña e da ondada.

Inclúe tamén melloras nun paso inferior situado no núcleo urbano de Sitges, dirixidas esencialmente á impermeabilización da lousa e ao reforzo da estrutura.