Este mes de setembro foi inaugurado o novo edificio para a oficina rexional da “Contraloría General de la República” no distrito de Las Tablas, provincia de Bocas de los Santos, en Panamá. Trátase dun edificio de dous andares, con fachada principal acristalada en tres corpos e dotado de ascensores, accesos adaptados para discapacitados e estacionamento propio. Ademais do edificio de nova planta, EXTRACO acometeu a urbanización da contorna, construción de accesos peonís, áreas verdes, infraestruturas viarias, peche perimetral das instalacións e garita para control de accesos e seguridade, baixo a supervisión da “Junta Técnica de Ingeniería y Arquitectura” de Panamá.

A “Contraloría General de la República de Panamá” é un organismo de fiscalización de nivel superior que revisa que os gastos da administración do estado sexan correctos e  se encadren no marco legal vixente.

O acto de inauguración oficial das instalacións contou coa presenza do “Contralor General de la República”, Gerardo Felipe Solís Díaz, como representante da entidade contratante.