A nova Asociación Científica Española de Hormigones Ecosostenibles (EcoH) conta con Extraco entre os seus membros.

Esta entidade reúne a investigadores, profesionais e empresas para promover o uso de materiais reciclados e procesos innovadores co obxectivo de reducir o impacto ambiental na construción.

O primeiro evento organizado por EcoH tivo lugar a principios de abril en Barcelona, cun foro técnico destinado a analizar numerosos avances en cementos sostibles, formigóns e áridos reciclados, ou aditivos con baixa pegada de carbono, entre outras innovacións.

Extraco ten desenvolvido varios tipos de eco formigóns nos últimos dez anos, valorizando residuos de diferentes procedencias: cáscaras de bivalvos, cinzas de fondo de central térmica ou escouras de arco eléctrico en distintos proxectos de I+D+i.