Extraco acaba de iniciar a execución da súa primeira obra en Perú, concretamente na cidade de Celendín, capital da provincia do mesmo nome, situada no Distrito de Cajamarca, ao Norte do país, preto da Cordilleira dos Andes. Trátase do pavimentado de rúas nun área que abrangue un total de 82 bloques de vivendas na periferia desta localidade.

A empresa instalouse no país andino hai algúns meses, no marco da operación de internacionalización da súa actividade que iniciara hai algo máis de tres anos coa súa primeira obra en Portugal. O proxecto de Perú, denominado Instalación de pistas e vereas de 82 bloques na cidade de Celendín, comprende o pavimentado dunha superficie total aproximada de 75.000 m² cun ancho variable de calzada de entre 7,5 e 14,79 metros, e a habilitación doutros 16.600 metros de beirarrúas dun metro de ancho.

A obra será executada en consorcio coa compañía peruana Corrales Ingenieros S.R.L. Utilizarán pavimento ríxido de formigón para manter a homoxeneidade co centro urbano xa pavimentado. A poboación beneficiaria do proxecto estímase nos 25.892 habitantes de Celendín, localizándose toda a área no alfoz da cidade.

O prazo de execución da obra é de 210 días desde a data de disposición dos terreos, a finais do pasado xaneiro. O orzamento acada os 14.834.326 novos soles, é dicir, ao redor de 4,3 millóns de euros.