A 47ª edición do Rally de Ourense-Ourense Termal, que se celebrou os pasados días 13 e 14 de xuño, contou un ano máis coa colaboración de Extraco, que facilitou á organización diferentes elementos para garantir a seguridade ao longo do percorrido. Concretamente, a empresa puxo a disposición dos promotores deste evento barreiras new jersey, conos de sinalización e balizas con pés de caucho.

O campionato, organizado por Escudería Ourense, que ten carácter nacional, desenvolveuse sobre unha distancia total de 482,67 km, con tramos cronometrados por 200,88 km. O programa incluíu 6 tramos de percorrido: Tramo espectáculo, Os Peares, A Peroxa, Toén, San Pedro de Rocas e Luíntra.