O inicio do curso académico 2022/2023 coincidiu coa apertura da nova Escola de Arte e Superior de Restauración e Conservación de Bens Culturais de Valladolid. As instalacións docentes abriron as súas portas no barrio de La Rondilla, nunha parcela adxacente ao Instituto de Ensino Secundario (IES) “Santa Teresa”, ocupando parte dos antigos aularios e o seu ximnasio. Ademais da rehabilitación integral dos edificios preexistentes, a nova escola conta con modernas instalacións de obra nova, que substitúen ás históricas da rúa Leopoldo Cano da capital vallisoletana.

Nos seus máis de 9.700 m2 de superficie conviven salas docentes para Bacharelato Artístico con aularios específicos para a impartición de Ciclos Formativos de Grao Superior: aulas-taller de decoración e ilustración; talleres de impresión, forxa, madeira, pedra, modelado e conservación, restauración e volume, laboratorio fotográfico e almacéns, xunto con espazos comúns para a comunidade educativa (sala de profesores e despachos administrativos).

A nova Escola de Arte, dependente da Consellería de Educación de Castela e León, ten capacidade para 540 alumnos e foi construída por unha UTE formada polas construtoras ourensás EXTRACO e Gómez Crespo.