Extraco entregou este mes a obra de supresión dun paso a nivel no concello barcelonés da Granada, na liña entre San Vicente de Calders e L’Hospitalet de Llobregat. A actuación, contratada por Adif, executouse sen interrupción do tráfico ferroviario.

O proxecto incluíu un paso inferior e vías de enlace cos camiños existentes. O paso baixo as vías está formado por un marco de formigón armado, que foi fincado no terraplén existente, e polos elementos de contención do recheo á entrada e á saída.

A estrutura ten unhas dimensións interiores de 8 metros de anchura por 6,10 de altura, garantindo un gálibo mínimo vertical de 5 metros.