As oficinas centrais de Extraco no barrio da Lonia (Ourense) contan cunha instalación de 176 metros cadrados de paneis solares cunha potencia nominal de 33kW (36,73 kW de valor pico).

Situada na cuberta dos almacéns e do laboratorio de firmes, a activación desta instalación tivo o apoio económico do Instituto para a Diversificación e Aforro da Enerxía (IDAE), dependente do Goberno de España, e do Instituto Enerxético de Galicia (INEGA).

O sistema está permanentemente controlado e rexistra picos de xeración de enerxía que superan amplamente o 60% do consumo.