Os traballadores e traballadoras de Extraco concentráronse esta mañá nas instalacións da compañía en Ourense en sinal de apoio e conmemoración do Día Internacional da Muller, que se celebra cada 8 de marzo.

Conscientes da necesidade de favorecer a conciliación da vida laboral e familiar, nun sector no que a presenza feminina é aínda pequena, a  compañía implantou o ano pasado un Plan de Igualdade na organización. Os seus obxectivos son, entre outros, fomentar aspectos relacionados coa conciliación, a igualdade de oportunidades e a equiparación salarial entre homes e mulleres, ámbitos nos que se avanzou nos últimos anos.